Өскемен қаласында «Туған жер – алтын бесігім» жобасы аясында Марқакөл ауданының мәдени күндері өтеді. Екі күнге жоспарланған шаралар аясында ауданның шығармашылық әлеуеті таныстырылып, ауыл шаруашылығы өнімдерінің жәрмеңкесі ұйымдастырылады.
9 қазан күні сағат 18:00-де Шығыс Қазақстан облыстық филармониясында Марқакөл ауданының шығармашылық ұжымдарының гала-концерті өтеді. Кеш барысында көрермен аудан өнерпаздары дайындаған музыкалық және шығармашылық қойылымдарды тамашалай алады.
Ал 10 қазан күні сағат 08:00-де Өскемен қаласындағы «ALTAY» көтерме және бөлшек сауда орталығының аумағында «Дала дәмі» ауыл шаруашылығы жәрмеңкесі өтеді. Жәрмеңкеде Марқакөл ауданының шаруалары мен өндірушілері өз өнімдерін ұсынады.
Марқакөл — табиғаты көркем, еңбек дәстүрі қалыптасқан, мәдени мұрасы бай аудандардың бірі. Ауданның мәдени күндерін өткізу — оның тыныс-тіршілігін қала тұрғындары мен қонақтарына таныстыруға мүмкіндік береді.