Шығыс Қазақстан облысының полицейлері ірі қара мал ұрлады деген күдікке ілінген қылмыстық топтың жолын кесті. Олар шаруагерлерге шамамен 2 500 000 теңге көлемінде материалдық залал келтірген.
— Үш адам еркін жайылымынан алты ірі қараны ұрлап, алдын ала дайындалған қораға айдап әкелген. Жедел уәкілдер қылмыс жасалған түні күдіктілерді «Омбы-Майқапшағай» тасжолында ұстаған. Ұрлық фактісі бойынша қылмыстық іс қозғалды, — деп хабарлады ШҚО ПД баспасөз қызметінен.
Күдіктілер қамауға алынды. Олар бес жылға дейін бас бостандығынан айырылуы мүмкін. Полицейлер олардың осыған ұқсас басқа да ашылмаған қылмыстарға қатысы бар-жоғын тексеруде.