ШҚО Төтенше жағдайлар департаменті баспасөз қызметінің мәліметіне сүйенсек, Ұлан ауданы Акимовка ауылының маңында шөп өртенген. Тілсіз жаудың жалпы аумағы 5 гектарды құрады.
— Қатты желдің салдарынан өрт қараусыз қалған 6 жазғы саяжай үйге жайылды. Оқиға орнына өрт сөндірушілер шұғыл келіп жетті. Көп ұзамай қызыл жалын толықтай ауыздықталды, — делінген ақпаратта.
Алдын ала дерек бойынша өрттің шығуына — отты абайсыз пайдалану себеп болған. Зардап шеккен ешкім жоқ.