Бұл туралы бүгін облыс әкімдігінің отырысында Жұмыспен қамту және әлеуметтік бағдарламаларды үйлестіру басқармасының басшысы Альмира Мусинова мәлім етті. Ол 2025 жылы өңірде барлық сала бойынша 28 631 жұмыс орны ашылатынын, оның 19 447-сі тұрақты, 9 184-і уақытша болатынын айтты.
Атап айтқанда, келесідей жұмыспен қамту мүмкіндіктері жүзеге асырылады:
- Мемлекет басшысының «10 мың еңбекке қабілетті халыққа 100 жұмыс орнын құру» тапсырмасына сәйкес 8379 тұрақты жұмыс орнын құру.
- Жұмыс істеп тұрған кәсіпорындарда жаңадан құрылған бос жұмыс орындарында 10 000 тұрақты жұмыс орнын құру.
- Субсидияланатын жұмыс орындары арқылы 7807 уақытша жұмыс орнын құру.
- «Ауыл аманаты» жобасы бойынша 483 жұмыс орнын құрумен 3 млрд теңге сомасына 445 шағын несие беру.
- «Дипломмен ауылға!» бағдарламасы бойынша 149 тұрақты жұмыс орнын құру.
- Облыстық басқармалар ұсынған 142 инфрақұрылымдық және инвестициялық жобалар бойынша 1813 жұмыс орнын құру жоспарланып отыр. Оның ішінде 436 тұрақты, 1377 уақытша.