ШҚО Төтенше жағдайлар департаменті баспасөз қызметінің мәліметіне сүйенсек, Өскемен-Зайсан-Өскемен бағыты бойынша санитарлық — авиациялық рейсімен ТЖМ Қазавиақұтқару тікұшағының экипажы кішкентай пациентті жедел тасымалдады.
— Ұшқыштар Ардақ Нұғыманов, Әскербек Төлегенов және Айдар Мамырханов санавиация дәрігерлері Жұлдыз Абулова және Антон Волковпен жаңа туған нәрестені қауіпсіздігін қамтамасыз ете отырып, облыс орталығына жеткізді. Ұшу кезінде ұшқыштар ауа-райы жағдайын және маршруттың ерекшелігін үнемі ескереді, — делінген ақпаратта.
Дәрігерлер жаңа туған нәрестеге медициналық көмек көрсетуде.
Санавиация аясындағы ұшқыштар кез келген сәтте тікұшақты аспанға көтеруге, қашықтықты еңсеруге және медицина мамандарына мұқтаж адамдарға көмек көрсету мүмкіндігін қамтамасыз етуге дайын болады.