Бұл туралы Орталық коммуникациялар қызметінің брифингінде ШҚО әкімі Нұрымбет Сақтағанов мәлім етті.
Шығы Қазақстан облысын дамыту заманауи инфрақұрылымсыз мүмкін емес. Бүгінде өңір транспорт, коммуналдық және энергетикалық жүйелерді белсенді жаңартып, тұрғындар үшін ыңғайлы өмір мен бизнес үшін тиімді жағдайлар жасауда.
Осы жылы екі жаңа әуежай салынып жатыр, «Майқапшағай» және «Үбі» кедендік өткізу пункттері мен бес теміржол вокзалы жаңартылуда. Өткен жылдан бері Өскеменнен Мәскеу мен Новосібірге халықаралық рейстер орындалады, ал келесі жылдан бастап Қытайға жаңа әуе бағыты ашылады. «Өскемен – Алматы» бағыты бойынша талго теміржол рейсін іске қосуға дайындық жүргізілуде.
Арнайы көңіл автокөлік жолдарына аударылған: 2025 жылы 856 шақырым жол жөнделіп, 98 млрд теңге қаражат жұмсалды. «Талдықорған – Өскемен» және «Өскемен – Семей» жобалары аяқталды, «Өскемен – Рахман қайнарлары» және «Қалбатау – Майқапшағай» жобалары жүзеге асырылуда. Өскеменде екі жолайрық және Ертіс пен Үлбінің үстінен екі жаңа көпір салынып жатыр, бұл қаладағы өткізу қабілеті мен транзиттік әлеуетті арттырады. Келесі жылдан бастап «Өскемен – Шемонаиха – РФ шекарасы» трассасындағы Үбі өзеніндегі апатты көпірді қайта құру жұмыстары басталады.
Тұрғын үй инфрақұрылымы да дамуда: 2025 жылы 380 мың шаршы метр тұрғын үй пайдалануға беріледі, оның ішінде 29 көпқабатты үйде 2,3 мың пәтер және «Бір қабатты Шығыс» бағдарламасы бойынша 350 пәтер салынады.
Инфрақұрылымды кешенді дамыту Шығыс Қазақстанды тұрғындары үшін жайлы, бизнес үшін тиімді заманауи өңірге айналдырады.
