Қала әкімдігінің мәліметіне сүйенсек, жылудың өшірілетін нақты күні ауа райы жағдайына байланысты. Әзірге 14-21 сәуір аралығына жоспарланып отыр.
— Ауа температурасы тұрақты түрде жылы болған кезде нормативтік құжаттарға сәйкес жылу өшіріледі. Бірінші кезекте әлеуметтік инфрақұрылымдарға қатысы жоқ нысандарға жылу беру тоқтатылады, — делінген ақпаратта.
Ал өскемендіктер әлеуметтік желіде үйлерінің тым ысып кеткендігін жазып жатыр.
— Үйде дем алу мүмкін емес. Терезелерді ашып қойсақ та пайда жоқ, — деп жазады әлеуметтік желі қолданушылары.
Синоптиктердің болжамынша, алдағы күндері өңірде ауа температурасы +26 градусқа дейін көтеріледі деп күтіліп отыр.