«Таза Қазақстан» бағдарламасы аясында Шығыс Қазақстан облысы Катонқарағай ауданында қоғамдық орындарды ластау деректері тіркелді.
— Катонқарағай ауылында 31 жастағы жергілікті тұрғын сауда үйінің алдында темекі шегіп, тұқылын жерге тастаған. Осындай жағдай Жанпейісов көшесінде де болған. 47 жастағы ер адам аудандық әкімдік ғимаратының алдында темекі шегіп, тұқылын жерге тастай салған, — деп хабарлады ШҚО Полиция департаментінен.
Аталған екі дерек бойынша ҚР Әкімшілік құқық бұзушылық туралы Кодексінің 434-2-бабы 1-бөлігімен әкімшілік хаттамалар толтырылды. Мұндай құқық бұзушылық үшін 10 АЕК мөлшерінде айыппұл салу немесе 40 сағат қоғамдық жұмысқа тарту көзделген. Ал бір жыл ішінде қайталап жасалған жағдайда 20 АЕК айыппұл немесе 80 сағат қоғамдық жұмыс жазасы тағайындалады.