Шығыс Қазақстан облысында алдағы күндері күн суытып, жаңбыр аралас қар жауады. Сондай-ақ көктайғақ күтіліп отыр. Түнде өңірдің шығыс аумағында ауа температурасы −5 градусқа дейін төмендеуі мүмкін.
«Қазгидромет» РМК болжамына сәйкес, 15 қазанда Қазақстанның шығысында қатты жаңбыр жауып, арты қарға ұласады. Кей жерлерде көктайғақ болып, тұман түсуі ықтимал. Республика аумағында жел күшейеді деп болжанып отыр.
Шығыс өңірінде түнгі ауа температурасы −5 градусқа дейін төмендейді. Күндіз ауа температурасы −1…+3 градус аралығында болады.
Өскемен қаласында да жаңбыр жауып, арты қарға ұласады. 14 және 15 қазанда жауын-шашынның мол болуы күтіледі. Күндіз ауа температурасы +3…+5 градус шамасында болса, түнде 0…−3 градусқа дейін төмендейді.