Бұл туралы Орталық коммуникациялар қызметінің брифингінде ШҚО әкімі Нұрымбет Сақтағанов мәлім етті.
Шығыс Қазақстанда коммуналдық және энергетикалық желілерді жүйелі модернизациялау жұмыстары жалғасуда. Президенттің тапсырмасына сәйкес биыл соңына дейін 8 жаңа орталықтандырылған су құбыры нысаны пайдалануға беріліп, өңірдегі 4 мыңнан астам тұрғын сумен қамтамасыз етіледі.
Энергетика саласында да белсенді жұмыс жүргізілуде. 2025 жылы жабдықтар мен желілерді жаңғыртуға бюджеттен 10 млрд теңгеден астам қаражат бөлінген. Риддер ЖЭО-да жүргізілген жөндеу жұмыстары кәсіпорынды «қызыл қауіп аймағынан» шығаруға мүмкіндік берді, жабдықтардың тозуы 3%-ға, жылу желілерінің тозуы 8%-ға азайды.
Бұл шаралар тұрғындарды сумен және электр энергиясымен сенімді қамтамасыз етуге, өңірде өмір сүру қауіпсіздігі мен жайлылығын арттыруға жағдай жасайды.