Осы жылдың 20 мамырынан бастап елімізде «Саламатты Қазақстан» медициналық пойызы өз жұмысын бастаған.
Заманауи диагностикалық және емдік құрал-жабдықтармен жабдықталған жылжымалы медициналық кешен құрамында ультрадыбыстық зерттеу (УЗИ), флюорография, зертхана, шағын ота бөлмесі бар. Сонымен қатар интернетке қосылған сымсыз байланыс жүйесі арқылы медициналық мәліметтерді жедел түрде жіберуге және өңдеуге мүмкіндік жасалған.
Алыс елді мекендердің тұрғындарына білікті мамандар тегін медициналық әрі құқықтық көмек көрсетеді. Олардың қатарында: терапевт, стоматолог, офтальмолог, ЛОР-дәрігер, хирург, уролог, маммолог, педиатр, психолог, заңгер мен медиатор бар.
Пойыз әр станцияда орта есеппен 1–2 күн аялдайды. Азаматтарды қабылдау уақыты — сағат 09:00-ден 18:00-ге дейін, үзіліссіз жүргізіледі.
2025 жылға арналған «Саламатты Қазақстан» медициналық пойызының Шығыс Қазақстан облысы бойынша қозғалыс кестесі:
• Өскемен-1: 10.09.25, 05:05 — 10.09.25, 06:00
• Предгорная: 10.09.25, 07:12 — 11.09.25, 20:40
• Өскемен-1: 11.09.25, 21:50 — 11.09.25, 22:20
• Тишинская: 12.09.25, 00:15 — 13.09.25, 21:00
• Черемшанка: 13.09.25, 21:44 — 15.09.25, 21:00
• Өскемен-1: 15.09.25, 22:13 — 15.09.25, 22:53
• Таусамалы: 16.09.25, 00:45 — 17.09.25, 20:50
• Қүмыстау: 17.09.25, 21:39 — 19.09.25, 20:50
• Бұқтырма: 19.09.25, 21:32 — 21.09.25, 20:50
• Заводинка: 21.09.25, 21:29 — 23.09.25, 20:50
• Тұрғысын: 23.09.25, 21:21 — 25.09.25, 20:50
• Қүмыстау: 25.09.25, 22:30 — 25.09.25, 22:45
• Өскемен-1: 26.09.25, 01:15 — 26.09.25, 02:00
Облыс тұрғындарына осы күндері медициналық тексеруден өтіп, тегін кеңес алуға мүмкіндік бар.
