Биыл Шығыс Қазақстан облысында 11-сыныпты 4 мыңнан астам оқушы аяқтады.
Апта ішінде өңірде мектеп бітіру шаралары бастау алады. Қазірдің өзінде кейбір білім ордаларында салтанатты жиындар өтіп, түлектерге аттестаттар табысталып жатыр.
— Биыл 368 түлек «Алтын белгі» иегері атанады. Сонымен қатар 403 оқушыға үздік аттестат беріледі, — деп хабарлады ШҚО Білім басқармасының баспасөз қызметінен.
Еске сала кетейік, алдағы жаңа оқу жылында Шығыс Қазақстанда алғаш рет мектеп табалдырығын 10 мыңнан астам бүлдіршін аттайды.