Шығыс Қазақстан облысында мектеп түлектері соңғы қоңырау күнін атап өтті. Абырой болғанда, аймақтағы салтанатты шаралар оқыс оқиғаларсыз өтті.
23 мамыр күні еліміздің барлық өңірінде мектеп бітіруші түлектер үшін соңғы қоңырау соғылды. Алайда кейбір облыстарда бұл күн қайғылы оқиғаларға ұласып кетті. Бір өңірде салтанатты күн кісі өлімімен, енді бірінде түлектердің қатысуымен болған жол-көлік оқиғасымен аяқталған.
— 23-24 мамыр аралығында Шығыс Қазақстанда кәмелетке толмағандар тарапынан қандай да бір құқықбұзушылық, оның ішінде мас күйде жүруі фактілері тіркелген жоқ, — деп хабарлады ШҚО Полиция департаментінен.