Көктем мен жаздың басында Өскемен қаласында дәстүрлі түрде абаттандыру жұмыстары қызу жүріп жатады. Биыл бұл бағытқа ерекше көңіл бөлініп, тек орталық көшелер ғана емес, әлеуметтік маңызы бар нысандар да назардан тыс қалмады.
Қазіргі таңда Чехов, Горький және Нұрмағамбетов көшелерінде брусчатка төсеу жұмыстары жүргізілуде. Сонымен қатар Шығыс Қазақстан филармониясы маңындағы аумақ абаттандырылып жатыр. Бұл жер қала тұрғындарының сүйікті демалыс орындарының бірі болғандықтан, оның жаңартыла түсуінің маңызы зор.
— Қалада гүл отырғызу жұмыстары да белсенді түрде қолға алынған. Көгалдандыру шаралары кезең-кезеңімен жүзеге асырылып, орталық көшелермен қатар, аулаларда да жүргізілуде. Жалпы, биылғы маусымда 38 учаскені абаттандыру жоспарланған. Бүгінгі таңда оның 10-ында жұмыс басталып кеткен, әрі бұл көрсеткіш күн санап артып келеді. Мердігер ұйымдар бекітілген кесте мен күнделікті жоспарға сай жұмыс істеуде, — деп хабарлады қала әкімдігінен.