Өңір құтқарушылары 20 сәуірде аяқталған жылыту маусымын қорытындылады. Осы кезеңде тұрғын үй секторында 351 өрт шыққан. Бұл былтырғы маусыммен салыстырғанда 12%-ға артып отыр. Алайда жеке тұрғын үйлер мен пәтерлердегі өрт саны айтарлықтай азайған. Көптеген өрт моншалар мен шаруашылық қора-жайларда тіркелген.
Сонымен қатар қызыл жалын салдарынан қаза болғандар саны 7%-ға кеміді. Олардың басым бөлігі – жұмыссыздар мен зейнеткерлер. 47% жағдай төсекке мас күйде жатып шылым шегу салдарынан болған. Отты абайсыз қолданудың салдарынан 6 адам, ал пеш жабдықтарын орнату және пайдалану кезінде өрт қауіпсіздігі талаптарын сақтамағаннан 3 адам көз жұмды.
Марқұмдардың арасында әлеуметтік осал топ өкілдері тіркелмеген. Пешпен жағып отырған осыдай отбасылар азаматтық қорғау органдарының ерекше бақылауында. ШҚО ТЖД және жергілікті атқарушы органдар бұл санаттағы азаматтар арасында екі рет профилактикалық тексеріс жүргізген. Нәтижесінде үйлердің 36%-ында өрт қауіпсіздігі талаптарының бұзылғаны анықталды.