ШҚО құтқарушылары қар еріп жатқандықтан таулы жерлерге бармауға шақырды
ШҚО Төтенше жағдайлар департаменті баспасөз қызметінің мәліметіне сүйенсек, наурыз айында тауда қар көшкіні қаупі арта түседі. Себебі күн күрт жылынып, қар ери бастайды. Сондықтан ТЖД қызметкерлері азаматтарды таулы жерлерге бармауға шақырды.
Күні кеше профилактикалық мақсатта көшкін түсіру үшін тау бөктерінде 4 рет жарылыс жасалды.
— Қар көшкінінің алдын алу шарасы облыстық маңызы бар «Өскемен-Тарғын-Самар» тасжолының 95-102 шақырымында жүргізілді. Барлығы 1145 текше метр қар түсірілді, — деп хабарлады ведомство өкілдері.