Облыстық Төтенше жағдайлар департаменті баспасөз қызметінің мәліметіне сүйенсек, 6 наурыз сағат 10.00-ден бастап облыстық маңызы бар тасжолдардың бірінде профилактикалық қар көшкіні түсіріледі.
— Соған байланысты Өскемен-Тарғын-Самар тасжолының 95-102 шақырымында көліктің барлық түрінің қозғалысына тыйым салынады. Көлік жүргізушілерін өз маршруттарын алдын ала жоспарлап алуды сұраймыз, — делінген ақпаратта.
Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес берді.