Шығыс Қазақстан облысында ертең тұман күтіледі.
«Қазгидромет» РМК ШҚО филиалының мәліметіне сүйенсек, 7 ақпанда облыстың батысында, солтүстігінде, оңтүстігінде тұман түседі. Өскемен қаласында түнде және таңертең тұман күтіледі.
— Жүргізушілерді дауылды ескертуге құлақ түруге, жолда жылдамдық режимі мен қашықтықты сақтауға шақырамыз. Жаяу жүргіншілер де барынша абай болып, сақтанып жүрулері қажет, — делінген ақпаратта.
Осы ретте, құтқарушылар қандай да бір төтенше жағдай болған кезде «112»телефонына хабарласу қажеттігін ескертті.