15 қаңтарда сағат 07:30-да Алматы-Өскемен тасжолының 28-ші шақырымында (Алматы-Қонаев бағыты) 18 бірлей көлік соқтығысты. Жол апатына қою тұман себепкер болған. Бұл туралы «Қазавтожол» мекемесінен хабарлады.
Алдын ала дерек бойынша жол-көлік оқиғасына жүргізушілердің жол дұрыс көрінбей тұрған кезде жылдамдықты рұқсат етілген шектен асырып жіберуі және көліктер арасындағы қауіпсіз қашықтықты сақтамауы себеп. Жол апаты болған учаске IA техникалық санатқа жатады және онда 6 қозғалыс жолағы бар.
Жол құрғақ, ақаусыз және бөгде заттарсыз болды. Апат салдарынан зардап шеккендер жоқ. Қазіргі уақытта апатқа ұшыраған 18 көліктің 16-сы жолдан шығарылды.