Құтқарушылар, полицейлер мен еріктілер рейдтерге шығуда. Қыс мезгілінің басынан бері барлығы 3000-нан астам рейд жүргізілді.
— Халыққа су айдындарындағы қауіпсіздік ережелері түсіндіріліп, жадынамалар таратылып жатыр. Қауіпсіздік ережелерін бұзған 53 балықшы ҚР ӘҚБтК-нің 412-бабы бойынша әкімшілік жауапкершілікке тартылды. Оларға 7 АЕК (27 524) мөлшерінде айыппұл салынды, — дейді ШҚО ТЖД бастығының орынбасары Исхар Савазов.
Қауіпсіздік ережелеріне сәйкес, мұз қалыңдығы 10 см-дан кем болғанда үстіне шығуға болмайды. Мұз бетіне шығу үшін оның қалыңдығы 25 см-ден кем болмауы тиіс. Өзіңізбен бірге құтқару кеудешесі, ысқырық, қармаушы құрал, диаметрі 12 метрден кем емес арқан, ұзындығы 2 метрден кем емес таяқ болу керек.
Берік әрі қауіпсіз мұз — көкшіл немесе жасыл түстес келеді. Қалыңдығы 10 см-ден кем болмайды.