Оқиға қала мектептерінің бірінің алдында болған. Әлеуметтік желіде тараған видеода көрінгендей, қарт кісі жасөспірімді қолшатырмен түртіп қалған.
Анықталғандай, мектеп алдында бір топ жасөспірім балағат сөздер айтып тұрғанда қария оларға ескерту жасаған.
— Жасөспірімдер боғауыз сөздер айтып тұрды. Немересін алып кетуге келген азамат оларға ескерту жасағанда жасөспірімдердің бірі ашуға булығып, агрессия танытқан. Сол кезде қария бозбаланы қолшатырмен бірнеше рет түрткен. Аталған фактіні полицейлер тіркеп, оқиғаға қатысушылармен және оқушылардың заңды өкілдерімен профилактикалық әңгіме жүргізді. Материал кәмелетке толмағандардың құқықтарын қорғау комиссиясының қарауына жіберілді, — деп хабарлады ШҚО ПД баспасөз қызметінен.