Облыс орталығында Потанин көшесіндегі № 10 және № 12 мектептердің маңында орналасқан футбол алаңы абаттандырылады. Бұл туралы Өскемен әкімі жұмыс сапары кезінде мәлімдеді.
Қазір бұл алаң мектеп сабақтарын өткізуге қолайсыз. Оны ретке келтіру жұмыстары келесі жылы басталмақ.
– Футбол алаңы мен оның қоршауын ретке келтіру керек. Оқушылардың білім алуы мен спортпен шұғылдануына қауіпсіз әрі қолайлы жағдай жасау – басты міндеттеріміздің бірі. Сонымен қатар қаладағы әр мектептің жай-күйін зерделеп, қажетті жөндеу және абаттандыру жұмыстарының тізімін анықтаймыз», – деді шаһар басшысы.
Бұдан бөлек, мектеп аумағына жаңа асфальт төселеді.