Шығыс Қазақстан облысында прокуратура органдары мемлекетке қайтарған активтер есебінен қаржыландырылған жеті әлеуметтік маңызы бар нысанның құрылысы мен қайта жаңғырту жұмыстары аяқталды.
Жүзеге асырылған жобалардың қатарында Риддер қаласындағы көпсалалы аурухана кешені, Алтай ауданында МРТ аппаратына арналған корпус, Шемонаиха ауданындағы Волчанка ауылындағы дәрігерлік амбулатория және Бозанбай, Асубұлақ, Отрадное және Большая Речка ауылдарындағы сумен жабдықтау нысандары бар.
Аталған жобалардың нәтижесінде өңір тұрғындары үшін медициналық көмектің қолжетімділігі артып, 3,5 мыңнан астам адам сапалы ауызсумен қамтамасыз етілді.
Облыс прокуратурасының мәліметінше, мемлекетке қайтарылған активтер есебінен жүзеге асырылып жатқан қалған әлеуметтік маңызы бар нысанның құрылысы мен оның уақтылы аяқталуы қадағалау органының тұрақты бақылауында.