Әлеуметтік желіде өңірдегі түрмелердің бірінде сотталған адамның қашып кеткені, әлі табылмай жатқаны жайлы ақпарат тарады. Абай облыстық Полиция департаментінің баспасөз қызметі оқиғаны растады. Бірақ ер адам қазір қолға түскен.
— Аталған сотталған азамат 2021 жылы шартты түрде бас бостандығынан айыру жазасына кесілген. Осы жылдың маусым айында жазаны өтеу тәртібін бірнеше рет бұзғаны үшін оған тағайындалған жазаның өтелмеген бөлігі нақты бас бостандығынан айыру жазасына ауыстырылған. Серуендеу кезінде ол уақытша ұстау изоляторының аумағынан заңсыз шығып кеткен. Жедел ұйымдастырылған іздестіру шараларының нәтижесінде ол ұсталып, қайтадан қамауға алынды, — делінген ақпаратта.
Оқиғаға байланысты қызметтік тексеру тағайындалған.