Осы жылдың басынан бері қылмыстық қудалау органдары 138 адамды ұстап, олардың 97-сі уақытша ұстау изоляторларына қамауға алынған. Прокурорлар сол мекемелердегі талаптардың сақталмағандығын анықтады.
— «Заң және тәртіп» республикалық акциясы аясында азаматтардың, соның ішінде қоғамнан оқшауланған жағдайда жүргендердің құқықтары мен бостандықтарын қорғауға бағытталған кешенді іс-шаралар жүргізіліп жатыр. Осы бағытта прокуратура уәкілетті органдардың мамандарын тарта отырып, уақытша ұстау изоляторындағы азаматтарды ұстау жағдайларына жоспарлы тексеру жүргізді. Тексеру барысында санитарлық-тұрмыстық талаптардың және ұстау режимінің сақталуына қатысты бірқатар заңбұзушылық анықталды, — делінген ақпаратта.
Қадағалау іс-шараларының нәтижесінде жауапты лауазымды тұлғалар тәртіптік жауапкершілікке тартылды