Мақаншы ауданындағы Алакөл жағалауында полиция қызметкерлері маусым айынан бері күшейтілген жұмыс режиміне көшкен. Шомылу маусымы бастала салысымен қоғамдық тәртіпті қамтамасыз етуге, тазалыққа және демалушыларға қолайлы жағдай жасауға басымдық берілген.
— Полицейлер мен санитарлық-эпидемиологиялық қызмет мамандары тұрақты түрде рейдтерге шығып келеді. Ондағы мақсат – құқықбұзушылықтың алдын алу, рұқсат етілмеген саудаға және жағалауды ластауға тосқауыл қою. Жаз басталғалы бері 300-ге жуық әкімшілік құқықбұзушылық тіркелді. Соның ішінде ең жиі кездесетіні — қоғамдық орындарды ластау деректері (141), — деп хабарлады облыстық Полиция департаментінің баспасөз қызметінен.
Сонымен қатар тыйым салынған аумақтарда мал жайған — 74, белгіленбеген жерлерде сауда жасаған — 22, аумақты абаттандыру ережелерін бұзған — 15 адам анықталды. Бұдан бөлек, 13 жүргізуші алкогольді ішімдік ішіп көлік басқарса, 7 адам құжатсыз көлік тізгіндеген.