29 және 30 қараша күндері «Заңғар Зайсан шақырады!» атты Зайсан ауданының көркемөнерпаздар ұжымдарының гала-концерті өтеді.
29 қараша сағат 10:00-11:00-де «Жұмысшы мамандықтары жылына» орай Шығыс Қазақстан көпсалалы колледжі және «Зайсан» технология колледжі арасында кәсіптік маман даярлау бағытында «Шеберлік сағаттары», сағат 10:00-11:00-де «КСРО-ның Халық ұстазы» Құмаш Нұрғалиевтың 100 жылдығына орай Қ.Нұрғалиев атындағы заң колледжінде зайсандық әуесқой ақын-сазгер Мәрияш Блеушованың арнау өлеңдері мен әндерінен студент жастар арасында мәдени-рухани кеш өтеді.
Сондай-ақ сағат 10:00-11:00-де «Дарабоз» спорт клубында дзюдо спортынан зайсандық спортшылармен «шеберлік сағаттары, сағат 18:00-19:00-де «Шығыс Қазақстан облыстық филармониясы» КМҚК залында зайсандық өнер жұлдыздарының қатысуымен Гала-концерт ұйымдастырылады. Соның аясында ауылшаруашылық және өнеркәсіп өнімдерінің, тарихи жәдігерлері, қолөнер шеберлері, зергерлері, суретшілерінің көрмесі қойылады.
30 қараша сағат 09:00-16:00-де «Алтай» көтерме тарату орталығында Зайсан ауданының ауылшаруашылық жәрмеңкесі мен көркемөнерпаздардың концерті, ұлттық спорт түрлерінен сайыстар өтеді.