«Торпедо» хоккей клубы Қазақстан кубогымен Өскеменге оралды. Команда турнирдің бас жүлдесін Қарағандының «Сарыарқа» клубын 8:2 есебімен ойсырата жеңгеннен кейін иеленді.
Кеше облыс орталығының тұрғындары ойын барысын мұқият бақылап, командаға жанкүйер болып, соғылған шайбаларды санады.
Бүгін чемпиондарды Өскемен әуежайында қарсы алды. Хоккейшілерді құттықтауға олардың туған-туыстары, достары мен жанкүйерлері келді. Ойыншыларды гүл шоқтарымен, құшақ жая және көтеріңкі көңіл күймен қарсы алды. Ал салтанатты шараның басты нышаны, әрине, енді туған қаласына жеткен Қазақстан кубогы болды.
Мерекелік шаралар мұнымен аяқталмайды. Осы жексенбіде Спорт сарайында «Торпедо» ойыншыларымен кездесу өтеді. Жанкүйерлер хоккейшілерді жеке құттықтап, команда мүшелерімен тілдесіп, турнирдің бас жүлдесімен суретке түсе алады.
Өскемен еліміздің басты хоккей қалаларының бірі екенін тағы бір мәрте дәлелдеді.
Өскемен жанкүйер бола біледі.
«Торпедо» жеңіске жете біледі.
Кубок өз үйінде!
