Бүгін Шемонаиха ауданында жалпыұлттық «Таза Қазақстан» экологиялық бастамасы аясында «Таза әлем» атты ауқымды акция өтті.
Березовка өзенінің жағалауына жақын аумақты тазалау жұмыстарына белсенділер, волонтерлер, «Жасыл ел» жасақтарының мүшелері, күміс волонтерлер және Ардагерлер кеңесінің өкілдері қатысты.
Ардагерлердің бұл акцияға қатысуы ерекше маңызға ие болды. Олар жастармен бірге туған жердің тазалығын сақтауға өз үлестерін қосып, табиғатқа ұқыпты қарау мен қоршаған ортаға жауапкершіліктің маңызын өз ісімен көрсетті.
Бірлескен еңбектің нәтижесінде аумақ толықтай қоқыстан тазартылып, 280-нен астам қап қоқыс жиналып шығарылды. Қалалық әкімдіктің қолдауымен арнайы техника тартылып, қоқысты жедел шығару ұйымдастырылды.
Қатысушылар алдағы экологиялық бастамаларды талқылап, болашақ іс-шаралардың жоспарын да қарастырды.
Ұрпақтар бірлесіп жұмыс істегенде, тек қоршаған орта тазарып қана қоймай, экологиялық мәдениет те қалыптасады.
Акцияға белсенді қатысып, туған өлкенің табиғатын қорғауға үлес қосқан барша азаматтарға алғыс білдіреміз!