Шығыс Қазақстан облысы Катонқарағай ауданының прокуратурасы пайдаланылмай жатқан ауыл шаруашылығы жерлерін мемлекетке қайтарды.
Қадағалау органының қызметкерлері жер заңнамасының сақталуына жүргізілген талдау аясында ауыл шаруашылығы мақсатындағы жерлерді ұтымсыз пайдалану фактілерін анықтады. Белгілі болғандай, жалға алушылар шаруа қожалығын жүргізуге арналған жерлерді бір жыл бойы өз мақсатында пайдаланбаған, — деп хабарлады облыс прокуратурасынан.
Прокурорлық қадағалау актісі бойынша жалпы ауданы 2092,6 га, кадастрлық құны 17,7 млн теңгені құрайтын жер учаскелері мемлекетке қайтарылды. Жер ресурстарының нысаналы пайдаланылуы мәселелері прокуратура органдарының ерекше бақылауында.