Самрұқ-Энерго компаниясының басқарма төрағасы Қайрат Мақсұтов Премьер-Министр Олжас Бектеновтің төрағалығымен өткен Үкімет отырысында елдегі төрт ірі көмір генерациясы жобасы туралы баяндады.
Оның ішінде Көкшетау, Семей және Өскемен қалаларында салынып жатқан жаңа жылу электр орталықтары бар.
2026 жылғы 30 қаңтарда Семей мен Өскемендегі жобалар бойынша қазақстандық-сингапурлық консорциуммен EPC-келісімшарттар жасалған. Екі орталықты да 2029 жылдың төртінші тоқсанында пайдалануға беру жоспарланып отыр.
Екібастұзда қуаты әрқайсысы 550 МВт болатын №3 және №4 энергия блоктарының құрылысы жалғасуда. Бұл жоба бойынша EPC-келісімшарт 2025 жылдың мамыр айында қазақстандық консорциуммен жасалып, нысандардың жобалық-сметалық құжаттамасы әзірленген.
Ал Көкшетауда қуаты сағатына 820 Гкал-ға дейін жететін жаңа ЖЭО салынуда. Қазіргі уақытта инженерлік желілер тартылып, инфрақұрылым дайындалып жатыр және бетон торабын салу жұмыстары жалғасып жатыр. Жабдықтарды жеткізу 2027 жылға жоспарланған, ал орталықты іске қосу 2029 жылдың бірінші тоқсанына белгіленген.
Аталған жобалардың барлығы елдегі энергия тапшылығын азайтып, энергетикалық жүйенің сенімділігін арттыруға бағытталған.