Оқиға қаладағы Е.П. Славский атындағы жағалау көшесінде болған. Бұл туралы Шығыс Қазақстан облыстық полиция департаментінің баспасөз қызметінен хабарлады.
— 13 жастағы жеткіншек көпқабатты үйдің терезесінен секірген. Қазіргі уақытта аталған факті бойынша Ертіс полиция бөлімі «кәмелетке толмаған баланың суицид жасауға талпынуы» бабы бойынша сотқа дейінгі тергеп-тексеру жұмыстарын бастады. ҚР Қылмыстық-процестік кодекстің 201-бабына сәйкес, қалған деректерді жария етуге тыйым салынған, — делінген ақпаратта.
Зардап шеккен бала Ана мен бала орталығына жеткізілген. Тәртіп сақшылары оның мұндай қадамға не себепті барғанын анықтап жатыр.