Өскемен қаласында биыл жол апаттарының саны 35 пайызға өскен. Сонымен қатар жол-көлік оқиғаларынан жарақат алғандардың саны да едәуір көбейіп отыр. Бүгінде зардап шеккендер саны мың адамға жуықтаса, былтыр бұл көрсеткіш үш есе аз болған.
Бұған бірнеше фактор әсер етіп отыр. Соның ішінде қолайсыз ауа райы, көше жарығының болмауы және жол инфрақұрылымындағы кемшіліктер бар.
– Жол-көлік оқиғаларының басым бөлігі күз-қыс мезгілдерінде тіркеледі. Жүргізушілер ауа райы жағдайын ескермей, жылдамдықты қауіпсіз шектен асырып жібереді. Жол апаттарының басым көпшілігі қыс мезгілінде болады. Тек жүргізушілер ғана емес, жаяу жүргіншілер де кінәлі болып жатады. Биыл екі адам жолды рұқсат етілмеген жерден кесіп өтемін деп қаза болған, – деді қалалық Полиция басқармасы бастығының орынбасары Еркін Саттыбаев.
Жол апатының алдын алу бағытында кешенді жұмыс жүргізіліп жатыр. Қалада кешкі қарбалас уақытта, әсіресе мектеп маңындағы жаяу жүргіншілер өткелдерінде полиция бақылауы күшейтілген. Сондай-ақ такси жүргізушілері мен жүк тасымалдаушыларына түсіндіру жұмыстары жүргізілуде.