10 қазаннан бастап Шығыс Қазақстан облысы аумағында республикалық «Тасымалдаушы» жедел алдын алу шарасы қолға алынды. Ондағы мақсат — жолаушы тасымалдау қызметін бақылауды қамтамасыз ету және қоғамдық көлікте, оның ішінде такси қызметінде жол-көлік оқиғаларының санын азайту.
— Осы жылдың алғашқы 9 айында қоғамдық көлік жүргізушілерінің кінәсінен 54 жол-көлік оқиғасы тіркеліп, 60-тан астам адам зардап шеккен. Шара барысында полиция қызметкерлері жолаушылар мен жүктерді тасымалдау ережелерінің сақталуын тексеріп, техникалық тұрғыдан ақауы бар көліктердің, соның ішінде оң жақ рөлді автокөліктердің такси ретінде пайдаланылуын анықтайды, — деп хабарлады облыстық Полиция департаментінен.
Айта кетейік, жедел алдын алу шарасы 12 қазанға дейін жалғасады.