Шығыс Қазақстан облысында күздің екінші айында ауа райы салқын әрі құбвлмалы болмақ.
Қазанның басында аймаққа солтүстік-батыс антициклон әсер етеді. Жаңбыр аралас қар жауып, түнде үсік жүруі мүмкін.
Айдың екінші онкүндігінде өңірдің басым бөлігінде күн қысқа мерзімге жылынады деп күтіліп отыр. Күндіз ауа температурасы +10…+15 °C-қа дейін көтеріледі.
Ал үшінші онкүндікте қайтадан суық түсіп, кей күндері түнгі температура –7…–12 °C-қа дейін төмендеуі ықтимал. Қазанның соңы тұрғындарға қыстың таяп қалғанын сездіреді.
«Қазгидромет» РМК мәліметінше, ай бойы ауа райы құбылмалы болады. Тұман түсіп, көктайғақ пен екпінді жел күтіледі. Ал қазанның екінші жартысында жаяу бұрқасын соғуы мүмкін.