Бұған қатысты үкім Күршім аудандық сотында шықты. Оқиға 29 тамыз күні Маралды ауылында болған.
Ер адам көптің алдында кәсіпорынның қауіпсіздік қызметінің бастығына балағат сөздер айтып қорлаған. Сот отырысында ер адам өз кінәсін мойындап, мұндай әрекетке өрт қауіпсіздігі талаптарының сақталмауына байланысты ашуланғандықтан барғанын түсіндірді.
Сот куәгерлердің айғақтарын, полиция хаттамасын, бейнежазбаны және ер адамның бұған дейін де жауапкершілікке тартылғанын ескерді. Осылайша, оған 15 тәулікке әкімшілік қамауға алу жазасы тағайындалды.
