Шығыс Қазақстан облысында сиыр еті бағасына қатысты мәселелерді қарастыру үшін жедел желі жұмыс істей бастады. Өңір тұрғындары мен кәсіпкерлері бағаның өсуі, негізсіз ақы қосып сату және ет өнімдерін жеткізудегі бұзушылықтар туралы шағымдарын осы желі арқылы жеткізе алады.
Ауыл шаруашылығы министрлігінің мәліметі бойынша, сиыр етінің бір келісінің өзіндік құны орташа есеппен 2800-3100 теңге аралығында. Алайда саудада бұл баға қосымша шығындар мен сауда үстемелеріне байланысты жиі көтеріліп кетіп жатады.
Жедел желі барлық аймақтарда қолжетімді. ШҚО бойынша 8 (7232) 26-72-07 телефон нөмірі арқылы хабарласуға болады.
