Атап айтқанда, Риддер қаласындағы жылу желілері мен жабдықтарға күрделі жөндеу жұмыстарын жүргізу үшін 850 млн теңгеден астам қаржы бөлінді. Бұл – өңір бойынша қаржыландырылған ең ірі жоба.
Өскеменде Лесхоз кентіндегі су құбыры желілерін қайта жаңғырту жұмыстары жалғасады. Жобаның жалпы құны – 1,77 млрд теңге. Бұған дейін 772 млн теңге игерілсе, биыл 662,6 млн теңге бөлінді. Жобаны толық аяқтау үшін тағы 340,2 млн теңге қажет.
– Басты мақсат – елді мекендерді тұрақты жылумен және ауызсумен қамтамасыз ету. Барлық жоба кезең-кезеңімен жүзеге асырылады, – деп хабарлады облыс әкімдігінен.
Сонымен қатар Глубокое кентіндегі жылу желілерін қайта құруға — 250 млн теңге, Самар ауылындағы желілерді жөндеуге — 132 млн теңге бөлінді.
Ауылдарды сумен қамтамасыз ету мақсатында да бірқатар жобаға қаражат құйылды. Атап айтқанда Глубокое ауданына қарасты Белоусовка кентіндегі магистралдық су жүйесін жөндеуге — 100 млн теңге, Берёзовка ауылындағы су құбыры құрылысын аяқтауға —44 млн теңге, Шемонаиха ауданына қарасты Большая Речка ауылында су құбырын салуға — 39,5 млн теңге бағытталды.