Облыстық Полиция департаменті баспасөз қызметінің мәліметіне сүйенсек, тәртіп сақшылары рейд барысында «Сузуки» автокөлігін тоқтатқан. Тексеру кезінде көліктен ҚР Қызыл кітабына енген бір ителгі және тұзақ ретінде пайдалану мақсатында алты көгершін табылып, тәркіленді.
— Ұсталған 55 жастағы өңір тұрғыны барлық мән-жайды анықтау үшін полиция бөліміне жеткізілді. Сирек кездесетін және жойылып кету қаупі бар жануарлар түрлерімен заңсыз айналысу фактісі бойынша ҚР ҚК-нің 339-бабы 1-бөлігімен сотқа дейінгі тергеу басталды, — делінген ақпаратта.
Құстар Өскемен қаласындағы мемлекеттік зообаққа тапсырылған.