Өскеменде «Құтқарушылар күнінің 30 жылдығы» аясында көпқабатты тұрғын үйдің қасбетінде құтқарушыларға арналған арт-объект салынды.
Мурал қала орталығындағы адамдар көп жүретін аудандардың бірінде орналасқан.
— Құтқарушылардың жұмысы әрқашан тәуекелмен байланысты болғандықтан, муралда өртті сөндіру және төтенше жағдайларда адамдарды құтқару сәттері бейнеленген. Мурал ШҚО ТЖД бастамасымен қала әкімдігінің қолдауымен салынды. Суретшілер оны жасау үшін бірнеше күн жұмыс істеді, — деп хабарлады ШҚО Төтенше жағдайлар департаментінің баспасөз қызметінен.
Бұл мурал бейбіт күннің батырларына деген құрметтің бір көрінісі.
