Риддер қалалық соты М. есімді азаматтың акционерлік қоғамға қарсы талап арызы бойынша шешім шығарды. Аталмыш іс талапкердің емделуге кеткен шығындарды өтеу және моральдық залалды өндіру туралы талабына қатысты қаралды.
Сотқа жүгінуге ер адамның жұмыс кезінде ауыр өндірістік жарақат алуы себеп болған. 4-разрядты электрмонтер болып жұмыс істеген азамат I–III дәрежелі термиялық күйіктер алып, денесінің 20%-ын зақымдаған. Азамат ауруханаға жатқызылып, ұзақ ем қабылдап, тері трансплантациясы бойынша ота жасатқан.
Қайта оңалту кезеңінде ол жекеменшік медициналық мекемелерге жүгініп, қажетті дәрі-дәрмектерді өзі сатып алған.
Сот оқиға кезінде жұмыс берушінің қызметкерлерді жазатайым жағдайлардан міндетті сақтандыру шарты болмағанын анықтады. Сақтандыру компаниясымен шарт тек 2024 жылдың 7 қазанында, яғни оқиғадан кейін ғана жасалған.
Осыған байланысты, сот жұмыс берушіні талапкердің емделуге кеткен барлық құжатпен расталған шығындарын өтеуге міндеттеді.
Сонымен қатар талапкердің моральдық залал бойынша талабы да негізді деп танылды. Сот денсаулыққа келтірілген зиянның ауырлығын, моральдық зардаптың сипаты мен дәрежесін және істің мән-жайын ескере отырып, моральдық өтемақы көлемін 3 000 000 теңге мөлшерінде белгіледі.
Үкім толықтай заңды күшіне енді.