Сәрсен Аманжолов атындағы Шығыс Қазақстан университетінің студенті, жеңіл атлет Алексей Хлыстов 19-21 маусым аралығында Алматы қаласында өткен VI республикалық жастар ойындарында найза лақтыру сайысында топ жарып, алтын медаль иеленді.
Жас спортшы 67.10 метрге найза лақтырып, қарсыластарынан оқ бойы озып шықты. Бұл – Алексейдің жеке рекорды екенін өзі де қуанышпен атап өтті.
Қазіргі уақытта Алексей келесі жарысқа дайындық үстінде. Бір аптадан кейін Қазақстан кубогы басталады.
Айта кетейік, Алексей Хлыстов — Amanzholov University-дің «Дене шынықтыру және спорт» білім беру бағдарламасының 4-курс студенті. Спорттағы қарқынды дайындықтарына қарамастан, ол оқу жағынан да қатарынан қалмауда.