Катонқарағай ауданына қарасты Белқарағай ауылдық округінің Топқайың ауылында жақын арада интернет іске қосылады.
Ұзақ уақыт бойы аталмыш ауылдың дамуына кедергі болып келген мәселе өз шешімін табуға жақын. Елді мекен маңында арнайы радиосигнал қабылдайтын құрылғылармен жабдықталған антенна-мачталық станция орнатылды. Бұл жүйе Солдатов тауы арқылы таратылатын сигналды қабылдап, ауыл тұрғындарын тұрақты байланыспен және интернетпен қамтамасыз етпек.
Жергілікті халық интернеттің қосылуы білім алуға, жұмыс істеуге және бір-бірімен еркін қарым-қатынас орнатуға жаңа мүмкіндіктер ашатынына сенімді.