Өрт сөндірушілер тракторды шарпыған тілсіз жауды ауыздықтады. Бұл туралы ШҚО Төтенше жағдайлар департаментінің баспасөз қызметінен хабарлап отыр.
Белгілі болғандай, оқиға Өскемен қаласындағы Есенберлин даңғылында болған.
— Жол бойында трактор жанып кетті. Сол жерге шұғыл жеткен өрт сөндірушілер жалпы ауданы 8 шаршы метрді құраған тілсіз жауды өшірді.Абырой болғанда, зардап шеккен ешкім жоқ, — деп хабарлады ведомство өкілдері.
Осы ретте, ШҚО ТЖД мамандары жүргізушілерге автокөліктің техникалық жай-күйін мұқият қадағалап, уақтылы техникалық тексеруден өту қажеттігін ескертті.