Өскемен қаласында қарға шабуылдаған қыз жарақат алып, дәрігерлерге қаралды.
Оқиға Назарбаев даңғылында болған. Көшеде келе жатқан қыздың басына қарға қонып, тырнай кеткен. Жеңіл дәрежедегі дене жарақатын алған ол ауруханаға қаралды.
— Қыз басынан жарақат алған. Оған дәрігерлер көмек көрсетіп, жарасы таңылды. Сондай-ақ профилактика ретінде құтырмаға қарсы вакцина салынды, — деп хабарлады ШҚО Денсаулық сақтау басқармасынан.
Қала тұрғындарының айтуынша, қарғалар осы аумақтағы ағаштарға ұя салады. Қазіргі уақытта олар балапандарын тамақтандырып жатыр. Сондықтан агрессивті болуы мүмкін.