Қала әкімдігінің мәліметіне сүйенсек, екі жерүсті жаяу жүргіншілер өткелін жөндеу жоспарланып отыр.
Тұрғындар Б.Александров атындағы спорт сарайы мен Ольга Рыпакова атындағы жеңіл атлетика манежінің маңындағы жерүсті жаяу жүргіншілер өткелдерінің төбесіндегі ойықтарды айтып, шағымданған болатын.
— Жақында осы екі өткелдің де шатырын ауыстыру жұмыстары басталады. Шатырға шыны конструкциялар қолданылмақ, — деп хабарлады Өскемен қаласы әкімінің баспасөз қызметінен.
Сонымен қатар лифттерді ауыстыру көзделіп отыр.