Өткен жылы Қазақстан тұрғындары алкогольді ішімдіктерге жан басына шаққанда орта есеппен 7,4 мың теңге жұмсаған. Бұл алдыңғы жылмен салыстырғанда 13,6%-ға артық.
Алкогольге ең көп шығын Шығыс Қазақстан облысында тіркелді — бір адамға шаққанда 16,2 мың теңге. Бұл көрсеткіш өңірде бір жылда 7,3%-ға өскен. Одан кейінгі орында Алматы қаласы (15,3 мың теңге), Қарағанды (13,9 мың теңге), Солтүстік Қазақстан (13,7 мың теңге) және Павлодар (12,9 мың теңге) облыстары тұр.
Ең аз шығын Кызылорда (1,3 мың теңге), Түркістан (1,5 мың теңге) және Маңғыстау (1,6 мың теңге) облыстарында тіркелген.
Бағаларға келсек, 2024 жылғы сәуірде Қазақстанда алкогольдік өнімдер бір айда 1,2%-ға, ал бір жыл ішінде 10%-ға қымбаттаған. Атап айтқанда, бір айда арақ 0,9%-ға, сыра 1,2%-ға, шарап 1,5%-ға өскен. Жылдық есепте арақтың бағасы 5,5%-ға, шарап — 10,9%-ға, сыра — 13,9%-ға қымбаттады.
Өңірлер бойынша ең жоғары айлық баға өсімі Батыс Қазақстан облысында байқалып отыр — 3%. Сондай-ақ Алматы қаласында (2,1%) және Қостанай облысында (1,9%) баға айтарлықтай өскен. Павлодар және Жамбыл облыстарында өсім ең төмен — әрқайсында 0,1%. Ал Абай, Маңғыстау және Ұлытау облыстарында баға өзгермеген.