Зайсан ауданына қарасты Кеңсай ауылында алты отбасыға жаңа үйдің кілттері табысталды. Бұл туралы ШҚО әкімдігінің баспасөз қызметі хабарлап отыр.
Жеңістің 80 жылдығы қарсаңында Кеңсай ауылдық округінде көпбалалы және әлеуметтік жағынан осал алты отбасы қоныс тойын тойлады.
Салтанатты шараға келген аудан әкімінің орынбасары Нұрғайни Қабидолдина мен ішкі саясат бөлімінің басшысы Зұмрад Дюсенбаева жаңа қоныс иелерін аудан әкімінің атынан құттықтады.
— Мереке қарсаңында алты отбасы жаңа үйге қоныстанып отыр. Бұл — мемлекеттің әлеуметтік қолдауының нақты нәтижесі, — деді аудандық әкімдік өкілдері.
2024 жылы өңірде 232 пәтер көпбалалы отбасыларға, ал 518 пәтер әлеуметтік осал топтарға берілген.
Биыл 180 пәтерді салу және сатып алу жоспарланып отыр.