Абай облысында екі кәсіпкерге қатысты лицензиясыз құм өндіріп, сату дерегі бойынша қылмыстық іс аяқталды. Тергеу мәліметінше, олар 2023 жылғы қыркүйектен 2024 жылғы қазанға дейінгі аралықта Семей қаласы маңында 68 мың тоннадан астам құмды заңсыз өндіріп, сатқан.
Соның салдарынан мемлекетке 272 млн теңге көлемінде залал келтірілген. Құм құрылыс материалдарын шығаратын зауыттарға жалған сәйкестік сертификаттары арқылы жеке кәсіпкерлердің атынан өткізілген. Күдіктілердің бұл жолмен тапқан табысы 150 млн теңгеден асқан.
Сот шешімімен жалпы құны 181 млн теңгеден асатын мүлікке тыйым салынды. Олардың қатарында 11 автокөлік, 2 пәтер, жер телімі және 17 миллион теңге мөлшеріндегі дебиторлық қарыз бар. Қазіргі таңда іс айыптау актісін бекіту үшін прокурорға жолданды.