Өңір полицейлері жүргізген жедел шаралар барысында жергілікті тұрғынның үйінен жасыл түсті өсімдіктер табылды. Сараптама қорытындысына сәйкес, бұл есірткі заты бар өсімдік – каннабис болып шықты.
— Сонымен қатар күдіктіден 700 грамнан астам кептірілген марихуана тәркіленді. Аталған факті бойынша қылмыстық іс қозғалды. Осы ретте, Шығыс Қазақстан облысы Полиция департаменті есірткі құралдарын заңсыз өсіру, сақтау және таратудың қылмыстық жауапкершілікке әкелетінін ескертеді, — деп хабарлады ведомство өкілдері.
Тәртіп сақшылары азаматтарды сақ болуға, мұндай құқық бұзушылықтар туралы “102” арнасына немесе жақын маңдағы полиция бөліміне хабарлауға шақырды.
